ದಿನಾಂಕ 17.10.2021ರ ಸಂಜೆ 5 ಘಂಟೆಗೆ ಬೆಂಗಳೂರಿನ ಚಿಕ್ಕಲ್ಲಸಂದ್ರದ ಶ್ರೀ ಸಿದ್ಧಿಗಣಪತಿ ದೇವಾಲಯದ ಮನೋರಂಜಿನಿ ಸಾಂಸ್ಕೃತಿಕ ವೇದಿಕೆಯಲ್ಲಿ ಕನ್ನಡ ಸಂ ಸ್ಕೃತಿ ಇಲಾಖೆಯಿಂದ ಪ್ರಾಯೋಜಿತವಾದ ಕಲಾಕದಂಬ ಆರ್ಟ್ ಸೆಂಟರ್ ನ ಕಲಾ ವಿದ್ಯಾರ್ಥಿಗಳು ಪ್ರದರ್ಶಿಸಿದ ಡಾ. ರಾಧಾಕೃಷ್ಣ ಉರಾಳರ ನಿರ್ದೇಶನದ ಯಕ್ಷಗಾನ “ದಕ್ಷಯಜ್ಞ” ಹಾಗೂ ಮುರಳೀಧರ ನಾವಡರ ನಿರ್ದೇಶನದ ಸುಗಮ ಸಂಗೀತ ಗಾಯನ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಕವಿ ಗೋಪಾಲಕೃಷ್ಣ ಅಡಿಗ ಶತಮಾನ ಪ್ರತಿಷ್ಠಾನದ ನಿರ್ದೇಶಕರಾದ ಜಯರಾಮ ಅಡಿಗರು ಮಾತನಾಡಿ ಮಕ್ಕಳಿಗೆ ನಮ್ಮ ನಾಡಿನ ಸಾಂಸ್ಕೃತಿಕ ಕಲೆಗಳನ್ನು ಕಲಿಸಿ ಆ ಕಲೆಗಳಲ್ಲಿ ಅವರಿಗೆ ಆಸಕ್ತಿ ಮೂಡಿಸುವಲ್ಲಿ ಕಲಾಕದಂಬ ಸಂಸ್ಥೆಯು ಯಶಸ್ಸನ್ನು ಕಾಣುತ್ತಿದೆ ಅಲ್ಲದೇ ಈ ಸಂಸ್ಥೆಯಲ್ಲಿ ಕಲಿತ ವಿದ್ಯಾರ್ಥಿಗಳಿಗೆ ಅವರ ಪ್ರತಿಭಾ ಪ್ರದರ್ಶನಕ್ಕೆ ವೇದಿಕೆಯನ್ನು ಕೂಡ ಒದಗಿಸಿ ಕೊಟ್ಟು ಒಳ್ಳೆಯ ಕಲಾವಿದರ ಸೃಷ್ಟಿಗೂ ಈ ಸಂಸ್ಥೆ ಪಾತ್ರವಾಗುತ್ತಿರುವುದು ನಿಜಕ್ಕೂ ತುಂಬಾ ಸಂತೋಷದ ವಿಷಯ ಎಂದು ತಮ್ಮ ಪ್ರಶಂಸೆಯ ನುಡಿಗಳನ್ನು ಹೇಳಿ ಮಕ್ಕಳನ್ನು ಹುರಿದುಂಬಿಸಿದರು.
ಮತ್ತೊಬ್ಬ ಅತಿಥಿ ಖ್ಯಾತ ಕಿರುತೆರೆ ಹಾಗೂ ಹಿರಿತೆರೆ ನಟಿಯಾದ ನಮಿತಾ ರಾವ್‌ ತಮ್ಮ ಕಲಾ ಬದುಕನ್ನು ಸ್ಮರಿಸುತ್ತಾ ಕಲೆಯಿಂದ ನಮ್ಮ ಜೀವನವನ್ನು ಚನ್ನಾಗಿ ರೂಪಿಸಿ ಕೊಳ್ಳಬಹುದು ಅಲ್ಲದೇ ಒಂದು ಸುಂದರ ಸಮಾಜವನ್ನು ಕೂಡ ಕಟ್ಟಿಕೊಳ್ಳಬಹುದು ನಮ್ಮ ಏನೇ ನೋವು ಕಷ್ಟಗಳಿದ್ದರು ಅವೆಲ್ಲವನ್ನೂ ಗೌಣವಾಗಿಸುವುದು ಕಲೆಯಿಂದಲಷ್ಟೇ ಸಾಧ್ಯ , ಇಲ್ಲಿ ಇವತ್ತು ಪ್ರದರ್ಶನ ನೀಡಿದಂತ ಎಲ್ಲಾ ಮಕ್ಕಳು ನಿಜಕ್ಕೂ ನಮ್ಮ ನಾಡಿನ ಕಲಾ ಪ್ರಪಂಚಕ್ಕೆ ಕೊಡುಗೆಗಳಾಗುವುದರಲ್ಲಿ ಯಾವ ಸಂಶಯವೂ ಇಲ್ಲ ಎಂದು ಭರವಸೆಯ ಮಾತುಗಳನ್ನಾಡಿದರು.
ಈ ಒಂದು ವೇದಿಕೆಯಲ್ಲಿ ಶ್ರೀ ಸಿದ್ಧಿಗಣಪತಿ ದೇವಾಲಯ ಸಮಿತಿಯ ಅಧ್ಯಕ್ಷರಾದ ಸಚ್ಚಿದಾನಂದ ಮೂರ್ತಿ ಹಾಗೂ ಕಲಾಕದಂಬ ಆರ್ಟ್ ಸೆಂಟರ್ ನ ನಿರ್ದೇಶಕರಾದ ಡಾ. ರಾಧಾಕೃಷ್ಣ ಉರಾಳರು ಉಪಸ್ಥಿತರಿದ್ದರು.
ನಿಶ್ಚಿತ, ಮಧುಮಿತ, ಪೂಜಾಆಚಾರ್ಯ, ಅದಿತಿ ಉರಾಳ, ಪ್ರಶಸ್ತಿ, ನಿತ್ಯಾ, ಚಿರಾಗ್, ತೇಜಸ್ ಹಾಗೂ ರಜತ್‌ ದಕ್ಷಯಜ್ಞ ಯಕ್ಷಗಾನದ ಪಾತ್ರಧಾರಿಗಳಾಗಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿ ಮೆಚ್ಚುಗೆಗೆ ಪಾತ್ರರಾದರು.
ಸುಗಮ ಸಂಗೀತದಲ್ಲಿ ಪಕ್ಕ ವಾದ್ಯದಲ್ಲಿ ವೆಂಕಟೇಶ್ ನಾಯ್ಡು, ಲೋಕೇಶ್ ಹಾಗೂ ಪ್ರಕಾಶ್ ಸಹಕರಿಸಿದರು. ಅನ್ವಿತ ಸೋಮಯಾಜಿ, ಕವಿತ, ಚಿತ್ಕಲ ಐತಾಳ್, ಸಿರಿ ಭಟ್, ಜಾಹ್ನವಿ ಕಾಮತ್, ಮಂಗಳಾ ಹರ್ಷ, ಖುಷಿ, ಜಾಹ್ನವಿ, ಪರ್ಣಿಕ ನಾವಡ, ಪನ್ವಿತ್,ಕೀರ್ತಿ ಮತ್ತು ತನ್ಮಶ್ರೀ ತಮ್ಮ ಸುಮಧುರ ಗಾಯನದ ಮೂಲಕ ಪ್ರೇಕ್ಷಕರ ಮನ ತಣಿಸಿದರು.
ನೇಪಥ್ಯದಲ್ಲಿ ವಿಶ್ವಾನಾಥ ಉರಾಳ, ದೇವರಾಜ ಕರಬ, ನಿತ್ಯಾನಂದ ನಾಯಕ್, ಭರತ್, ಸುರೇಶ್, ಸುಜನ್ ಹಾಗೂ ಪವನ್ ಸಹಕರಿಸಿದರು.
