ಮಂಜುಳಾ ಸುಬ್ರಹ್ಮಣ್ಯ … ಒಬ್ಬಳು ಬಹುಮುಖ ಪ್ರತಿಭಾವಂತೆ ಹಾಗೂ ಭರತನಾಟ್ಯ ಕಲಾವಿದೆ. ಕನ್ನಡ ಎಂ.ಎ ಪದವೀಧರೆ, ದೂರದರ್ಶನದ ಬಿ ಗ್ರೇಡ್ ಕಲಾವಿದೆ(ಭರತನಾಟ್ಯ), ಆಕಾಶವಾಣಿ ಬಿ ಗ್ರೇಡ್ ಕಲಾವಿದೆ(ನಾಟಕ), ಕಳರಿ ಪಯಟ್ಟು ನಿಷ್ಣಾತೆ, ಹಲವಾರು ಲೇಖನಗಳನ್ನು ಬರೆದು ಪ್ರಕಟಿಸಿದ ಲೇಖಕಿ, ಆಕಾಶವಾಣಿ ಕಾರ್ಯಕ್ರಮ ನಿರೂಪಕಿ, ಭರತನಾಟ್ಯ ನೃತ್ಯ ಶಿಕ್ಷಕಿ, ಸದಾ ಹೊಸತನ್ನು ಅರಸುವ ಅನ್ವೇಷಕಿ ಹೀಗೆ ಒಬ್ಬೊಬ್ಬರಿಗೆ ಒಂದೊಂದು ತೆರನಾಗಿ ಮಂಜುಳಾ ಕಾಣಿಸಬಹುದು. ಆದರೆ ನನಗಿಲ್ಲಿ ರಾಧೆಯಾಗಿ ಕಂಡಳು.
ಅವರ ಬಗ್ಗೆ ಕೆಲವು ದಿನಗಳ ನಂತರ ವಿಸ್ತೃತವಾಗಿ ಬರೆಯುವೆ. ಈಗ ಅವರ ರಾಧೆಯ ಬಗ್ಗೆ ಮಾತ್ರ ಹೇಳುವೆ. ಕೆಲವು ದಿನಗಳ ಹಿಂದೆ ಮಂಜುಳಾಳ ರಾಧೆ ಎನ್ನುವ ಏಕ ವ್ಯಕ್ತಿ ಪ್ರದರ್ಶನದ ವಿಡಿಯೋ ತುಣುಕೊಂದನ್ನು ನೋಡಿದೆ. ಬಹಳ ಇಷ್ಟವಾಯಿತು. ಅದನ್ನು ಇಲ್ಲಿ ನಿಮ್ಮೊಂದಿಗೆ ಹಂಚಿಕೊಳ್ಳೋಣ ಎಂದು ಅನಿಸಿತು. ನಾನು ಇಲ್ಲಿ ಅದನ್ನು ಶಬ್ದಗಳಲ್ಲಿ ವಿವರಿಸಹೊರಟರೆ ರಸಭಂಗವಾದೀತು. ರಾಧೆಯ ಹೃದಯದ ಧ್ವನಿ ಕೇಳಿಸದೇ ಹೋದೀತು. ಮೂಲ ಕಥೆಯ ಜಾಡನ್ನು ಕೆದಕಲು ಹೋಗದೆ ಇದನ್ನು ವೀಕ್ಷಿಸಿ. ಭರತನಾಟ್ಯದಲ್ಲಿ ರಾಧೆಯ ತುಡಿತ ಮಿಡಿತಗಳನ್ನು ಹೇಗೆ ಅಭಿವ್ಯಕ್ತಿಗೊಳಿಸಿದ್ದಾರೆ ಎಂಬುದನ್ನು ಈ ವಿಡಿಯೋ ನೋಡಿದಾಗ ತಿಳಿಯಬಹುದು. ರಂಗದ ಈ ರಾಧೆಯ ಯಶಸ್ಸಿಗೆ ರಂಗದ ಹಿಂದಿನ ಹಲವು ಕಲಾವಿದರು ಕಾರಣ ಎಂದು ಮಂಜುಳಾ ನಿರ್ವಂಚನೆಯಿಂದ ಹೇಳಿಕೊಳ್ಳುತ್ತಾರೆ. ಅಭಿನಂದನೆಗಳು ರಾಧೆ (ಮಂಜುಳಾ)…
ಧನ್ಯವಾದಗಳು. ಪ್ರೋತ್ಸಾಹಕ್ಕೆ.. ಯಕ್ಷದೀಪ ಪ್ರಜ್ವಲಿಸಲಿ
ಸೂಪರ್
ಶುಭಾಶಯಗಳು