ಎಲ್ಲೆಲ್ಲೂ ದೀಪಾವಳಿ ಹಬ್ಬದ ಸಂಭ್ರಮ, ಸಡಗರ. ಪಟಾಕಿಗಳ ಸದ್ದು ಜೋರಾಗಿ ಕೇಳಿಸುತ್ತಿದೆ.
ಆದರೆ ಈ ಸಂಭ್ರಮದಲ್ಲಿ ಮೈಮರೆತು ನಮ್ಮ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ನಿನ್ನೆ ದೇಶಾದ್ಯಂತ ಪಟಾಕಿಗಳು ಸ್ಪೋಟಗೊಂಡು ಹಲವಾರು ಅನಾಹುತಗಳು ಆದ ಬಗ್ಗೆ ವರದಿಯಾಗಿವೆ.
ಮಾತ್ರವಲ್ಲದೆ ಕೆಲವೊಂದು ಕಳಪೆ ಗುಣಮಟ್ಟದ ಪಟಾಕಿಗಳು ಕೈಯಲ್ಲೇ ಸ್ಪೋಟಿಸುವುದು ಕಂಡುಬರುತ್ತಿವೆ. ಈ ಬಗ್ಗೆ ಹಲವಾರು ಜನ ಹೇಳಿಕೊಂಡಿದ್ದಾರೆ.
ಸಣ್ಣ ಸಣ್ಣ ನೆಲಚಕ್ರ, ದುರುಸು (ಹೂಮಳೆ ಪಟಾಕಿ) ಮೊದಲಾದುವುಗಳು ಕೈಯಲ್ಲೇ ಸ್ಪೋಟಿಸುತ್ತಿರುವ ಕೆಲವು ಘಟನೆಗಳು ಕಂಡುಬಂದಿವೆ. ಅದಕ್ಕೆ ನಾನೇ ಸ್ವತಃ ಸಾಕ್ಷಿಯಾಗಿದ್ದೇನೆ.
ಆದುದರಿಂದ ಎಲ್ಲರೂ ಆದಷ್ಟು ಕೈಯಿಂದ ನೇರವಾಗಿ ಮುಟ್ಟುವುದನ್ನು ನಿಲ್ಲಿಸಿ. ಸಂಭಾವ್ಯ ಅಪಾಯವನ್ನು ತಪ್ಪಿಸಿ.
