ರಕ್ಷಣಾ ವೆಬ್‌ಸೈಟ್ ”ಮಿಲಿಟರಿ ಡೈರೆಕ್ಟ್” ಭಾನುವಾರ ಬಿಡುಗಡೆ ಮಾಡಿದ ಅಧ್ಯಯನದ ಪ್ರಕಾರ, ಚೀನಾ ವಿಶ್ವದ ಪ್ರಬಲ ಮಿಲಿಟರಿ ಪಡೆ ಹೊಂದಿದ್ದರೆ, ಭಾರತ ನಾಲ್ಕನೇ ಸ್ಥಾನದಲ್ಲಿದೆ. ಚೀನಾ ವಿಶ್ವದ ಪ್ರಬಲ ಮಿಲಿಟರಿಯನ್ನು ಹೊಂದಿದ್ದು, ಸೂಚ್ಯಂಕದಲ್ಲಿ 100 ರಲ್ಲಿ 82 ಅಂಕಗಳನ್ನು ಗಳಿಸಿದೆ ಎಂದು ಅದು ತಿಳಿಸಿದೆ.
“ಅಮೆರಿಕಾ, ತಮ್ಮ ಅಗಾಧ ಮಿಲಿಟರಿ ಬಜೆಟ್ ಹೊರತಾಗಿಯೂ, 74 ಅಂಕಗಳೊಂದಿಗೆ 2ನೇ ಸ್ಥಾನದಲ್ಲಿದೆ, ರಷ್ಯಾ 69 ಅಂಕಗಳೊಂದಿಗೆ 3ನೇ ಸ್ಥಾನದಲ್ಲಿ , ಭಾರತ 61 ಅಂಕಗಳೊಂದಿಗೆ 4ನೇ ಸ್ಥಾನದಲ್ಲಿದೆ ಮತ್ತು ಫ್ರಾನ್ಸ್ 58 ಅಂಕಗಳೊಂದಿಗೆ 5ನೇ ಸ್ಥಾನದಲ್ಲಿದೆ. ಇಂಗ್ಲೆಂಡ್ ಅಗ್ರ 10 ರೊಳಗೆ ಸ್ಥಾನ ಗಳಿಸಿದ್ದು, 43 ಅಂಕಗಳೊಂದಿಗೆ 9 ನೇ ಸ್ಥಾನದಲ್ಲಿದೆ ”ಎಂದು ಅಧ್ಯಯನ ಹೇಳಿದೆ.
ಬಜೆಟ್, ನಿಷ್ಕ್ರಿಯ ಮತ್ತು ಸಕ್ರಿಯ ಮಿಲಿಟರಿ ಸಿಬ್ಬಂದಿಗಳ ಸಂಖ್ಯೆ, ಒಟ್ಟು ಗಾಳಿ, ಸಮುದ್ರ, ಭೂಮಿ ಮತ್ತು ಪರಮಾಣು ಸಂಪನ್ಮೂಲಗಳು, ಸರಾಸರಿ ವೇತನಗಳು ಮತ್ತು ಸಲಕರಣೆಗಳ ತೂಕ ಸೇರಿದಂತೆ ವಿವಿಧ ಅಂಶಗಳನ್ನು ಪರಿಗಣಿಸಿದ ನಂತರ “ಅಂತಿಮ ಮಿಲಿಟರಿ ಶಕ್ತಿ ಸೂಚ್ಯಂಕ” ವನ್ನು ಲೆಕ್ಕಹಾಕಲಾಗಿದೆ ಎಂದು ಅಧ್ಯಯನ ಹೇಳಿದೆ.
“ಬಜೆಟ್, ಪುರುಷರು ಮತ್ತು ವಾಯು ಮತ್ತು ನೌಕಾಪಡೆಯ ಸಾಮರ್ಥ್ಯದಂತಹ ಈ ಅಂಕ‌ಗಳ ಆಧಾರದ ಮೇಲೆ, ಚೀನಾವು ಕಾಲ್ಪನಿಕ ಸೂಪರ್ ಸಂಘರ್ಷದಲ್ಲಿ ಅಗ್ರಸ್ಥಾಯಿಯಾಗಿ ಹೊರಬರಲಿದೆ ಎಂದು ಅದು ಸೂಚಿಸುತ್ತದೆ” ಎಂದು ಅದು ಉಲ್ಲೇಖಿಸಿದೆ. ವರ್ಷಕ್ಕೆ 732 ಬಿಲಿಯನ್ ಯುಎಸ್ ಡಾಲರ್ ಬಜೆಟ್ ಹೊಂದಿರುವ ವಿಶ್ವದ ಅತಿದೊಡ್ಡ ಮಿಲಿಟರಿ ವೆಚ್ಚವನ್ನು ಅಮೆರಿಕಾ ಮಾಡುತ್ತಿದೆ. ಚೀನಾ 261 ಬಿಲಿಯನ್ ಯುಎಸ್ ಡಾಲರ್ ಗಳೊಂದಿಗೆ ಎರಡನೇ ಸ್ಥಾನದಲ್ಲಿದೆ ಮತ್ತು ಭಾರತವು ರಕ್ಷಣಾ ವೆಚ್ಚಗಳಿಗಾಗಿ 71 ಬಿಲಿಯನ್ ಯುಎಸ್ ಡಾಲರ್ ಖರ್ಚು ಮಾಡುತ್ತದೆ.
ಈ ಕಾಲ್ಪನಿಕ ಸಂಘರ್ಷದಲ್ಲಿ “ಚೀನಾ ಸಮುದ್ರದಿಂದ (ನೌಕಾಪಡೆ), ಅಮೆರಿಕಾ ಗಾಳಿಯ ಮೂಲಕ (ವಾಯುಪಡೆ) ಮತ್ತು ರಷ್ಯಾ ಭೂಮಿಯಿಂದ (ಭೂಸೇನೆ) ಗೆಲ್ಲುತ್ತದೆ” ಎಂದು ಅದು ಹೇಳಿದೆ.
“ಅಮೆರಿಕಾ ದಲ್ಲಿ ಒಟ್ಟು 14,141 ವಾಯುನೌಕೆಗಳಿವೆ. ರಷ್ಯಾ ಬಳಿ 4,682 ಮತ್ತು ಚೀನಾ 3,587 ಯುದ್ಧವಿಮಾನಗಳನ್ನು ಹೊಂದಿದೆ.
ರಷ್ಯಾದ ಒಕ್ಕೂಟವು 54,866 ಭೂಸೇನಾ ವಾಹನಗಳನ್ನು ಅಮೆರಿಕಾ 50,326 ವಾಹನಗಳನ್ನು ಮತ್ತು ಚೀನಾ 41,641 ಸೇನಾವಾಹನಗಳನ್ನು ಹೊಂದಿದೆ.
ಚೀನಾ 406 ಹಡಗುಗಳೊಂದಿಗೆ ರಷ್ಯಾ 278 ಮತ್ತು ಅಮೆರಿಕಾ ಮತ್ತು ಭಾರತ 202 ಹಡಗುಗಳನ್ನು ಹೊಂದಿದೆ.
- ಕಾಸರಗೋಡು ಮಹಿಳಾ ಪೊಲೀಸ್ ಅಧಿಕಾರಿಯನ್ನು ಕಡಿದು ಕೊಂದ ಆಕೆಯ ಪತಿ
- ನವವಿವಾಹಿತೆ ಆತ್ಮಹತ್ಯೆ – ಆಕೆ ಬರೆದಿಟ್ಟ ಡೆತ್ ನೋಟಿನಲ್ಲಿ ಏನಿದೆ?
- ತಾನು ಮದುವೆಯಾಗುವ ಹುಡುಗಿಗೆ ಮೂರು ಷರತ್ತುಗಳನ್ನು ವಿಧಿಸಿದ್ದ ಎ.ಆರ್. ರೆಹಮಾನ್: ಮದುವೆಯ ಮೂವತ್ತನೆಯ ವಾರ್ಷಿಕೋತ್ಸವ (ಗ್ರ್ಯಾಂಡ್ ಥರ್ಟಿ) ತಲುಪುವ ಭರವಸೆ ಹುಸಿಯಾಯಿತು ಎಂದ ಸಂಗೀತ ನಿರ್ದೇಶಕ
- ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ರಕ್ಷಕ-ಶಿಕ್ಷಕ ಸಂಘದ ಪದಾಧಿಕಾರಿಗಳ ಆಯ್ಕೆ
- ಎಲೆಕ್ಟ್ರಿಕ್ ಸ್ಕೂಟರ್ ಶೋರೂಮ್ ಬೆಂಕಿಗೆ ಆಹುತಿ – 20 ವರ್ಷದ ಯುವತಿ ಬೆಂಕಿಗೆ ಸಿಲುಕಿ ಸಾವು
