ಹಿರಿಯ ಕಥಕ್ಕಳಿ ಘಾತಕ ಗುರು ಚೆಮ್ಮಂಚೇರಿ ಕುಂಞಿರಾಮನ್ ನಾಯರ್ ಅವರು ಕೊಯಿಲಾಂಡಿಯ ಹತ್ತಿರದ ಚೆಲಿಯಾದಲ್ಲಿರುವ ನಿವಾಸದಲ್ಲಿ ಸೋಮವಾರ ಮುಂಜಾನೆ ನಿಧನರಾದರು ಎಂದು ಕುಟುಂಬ ಮೂಲಗಳು ತಿಳಿಸಿವೆ.
ಅವರಿಗೆ 105 ವರ್ಷ ವಯಸ್ಸಾಗಿತ್ತು. ಕೇರಳದ ಕಥಕ್ಕಳಿ ಕಲಾ ಪ್ರಕಾರಕ್ಕೆ ಅವರು ನೀಡಿದ ಅದ್ಭುತ ಕೊಡುಗೆಯನ್ನು ಗುರುತಿಸಿ 2017 ರಲ್ಲಿ ಅವರನ್ನು ಪದ್ಮಶ್ರೀ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು.
ಕಥಕ್ಕಳಿ ಪ್ರದರ್ಶನದ ವೇದಿಕೆಯಲ್ಲಿ ಅವರ ಭಗವಾನ್ ಕೃಷ್ಣ ಮತ್ತು ಕುಚೇಲಾ ಪಾತ್ರ ಚಿತ್ರಣವು ಯಾವಾಗಲೂ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸುತ್ತಿತ್ತು. ಅವರ ಕೊನೆಯ ಗಮನಾರ್ಹ ಸಾರ್ವಜನಿಕ ಕಥಕ್ಕಳಿ ಕಲಾ ಪ್ರದರ್ಶನವು ಅವರ 100 ನೇ ವಯಸ್ಸಿನಲ್ಲಿ ಆಗಿತ್ತು ಎಂಬುದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.
ತನ್ನ 14ನೆಯ ವಯಸ್ಸಿನಲ್ಲಿಯೇ ಕಥಕ್ಕಳಿಯೊಂದಿಗೆ ನಂಟು ಬೆಸೆದಿದ್ದ ಅವರು ಸುಮ್ಮಾರು ಒಂಬತ್ತು ದಶಕಗಳ ವರೆಗೆ ತನ್ನ ಕಲಾಯಾನವನ್ನು ಮುಂದುವರಿಸಿದ್ದು ಅದ್ಭುತ ಸಾಧನೆಯಾಗಿತ್ತು. ಅವರು 1945ರಲ್ಲಿ ನಾಟ್ಯ ಕಲಾಲಯಂ ಎಂಬ ನೃತ್ಯ ಶಾಲೆಯನ್ನು ಸ್ಥಾಪಿಸಿದ್ದರು.
ಕೇರಳ ಸಂಗೀತ ನಾಟಕ ಅಕಾಡೆಮಿ ಮತ್ತು ಕೇರಳ ಕಲಾಮಂಡಲಂ ಸೇರಿದಂತೆ ಹಲವಾರು ಪ್ರಶಸ್ತಿಗಳು ಮತ್ತು ಮಾನ್ಯತೆಗಳನ್ನು ಪಡೆದರು. ಅವರ ಕಥಕ್ಕಳಿ ಪ್ರದರ್ಶನದ ಒಂದು ವೀಡಿಯೊ ನೋಡಿ
