“ತಾಳಮದ್ದಳೆಯೆಂಬುದು ಬಯಲಾಟದ ಇನ್ನೊಂದು ರೂಪ. ಬಯಲಾಟದಿಂದ ಆಹಾರ್ಯವನ್ನೂ ನೃತ್ಯವನ್ನೂ ಕಳೆದುಳಿದ ಸ್ವರೂಪವೇ ತಾಳಮದ್ದಳೆ. ತಾಳಮದ್ದಳೆ ಮೊದಲು ಹುಟ್ಟಿಕೊಂಡಿತೋ ಬಯಲಾಟ ಮೊದಲು ಹುಟ್ಟಿಕೊಂಡಿತೋ ಎಂಬ ಬಗ್ಗೆ ವಿದ್ವಾಂಸರಲ್ಲಿ ಸಾಕಷ್ಟು ಭಿನ್ನಾಭಿಪ್ರಾಯಗಳಿವೆ.
ಈಗ ನಮಗೆ ಯಾವುದೋ ಒಂದು ರೂಪದಲ್ಲಿ ಕಾಣಸಿಕ್ಕುವ ಜನಪದ ಕಲೆಗಳ ಆದಿರೂಪ ಮತ್ತು ಉಗಮಕಾಲವನ್ನು ಖಚಿತವಾಗಿ ಕಂಡುಕೊಳ್ಳುವುದು ಸಾಧ್ಯವಾಗದ ಸಂಗತಿ. ಒಂದು ಕಲಾರೂಪದಿಂದ ಇನ್ನೊಂದು ಕಲಾರೂಪವು ಹುಟ್ಟಿಕೊಂಡಿತೆಂದು ಭಾವಿಸುವುದು ಅಸಾಧ್ಯವಲ್ಲವಾದರೂ ಯಕ್ಷಗಾನದ ಸಂದರ್ಭದಲ್ಲಿ ಬಯಲಾಟ ಮತ್ತು ತಾಳಮದ್ದಳೆ ಎರಡೂ ಪರಂಪರಾಗತವಾಗಿ ಉಳಿದುಕೊಂಡು ಬಂದಿವೆಯೆಂಬುದರಿಂದ ಎರಡೂ ಬೇರೆಬೇರೆಯಾಗಿಯೇ ಗೌರವಿಸಲ್ಪಡುವ ಅಥವಾ ಗುರುತಿಸಲ್ಪಡುವ ಖಚಿತ ಕಲಾರೂಪಗಳೆಂಬುದನ್ನು ಹೇಳಲೇಬೇಕಾಗುತ್ತದೆ.
ಇವೆರಡರಲ್ಲಿ ಒಂದರಿಂದ ಇನ್ನೊಂದು ಹುಟ್ಟಿರಬಹುದಾದರೂ ಒಂದು ಇನ್ನೊಂದನ್ನು ಬದಿಗೆ ತಳ್ಳಿಲ್ಲ. ಹೇಗಿದ್ದರೂ ಬಯಲಾಟವು ಈ ಕಲೆಯ ಪರಿಪೂರ್ಣರೂಪ. ತಾಳಮದ್ದಳೆಯು ಆಂಶಿಕರೂಪವೇ ಆದರೂ ಬಯಲಾಟದಂತೆಯೇ ಇದೂ ಪರಿಣಾಮಕಾರಿಯಾದ ಕಲೆಯೇ ಆಗಿದೆ. ತನ್ನದೇ ಆದ ಒಂದು ಸ್ವಸಂಪೂರ್ಣಸ್ವರೂಪ ಇದಕ್ಕಿದೆ. (ಡಾ. ಪಾದೇಕಲ್ಲು ವಿಷ್ಣು ಭಟ್ಟರ ‘ಯಕ್ಷಗಾನಾಧ್ಯಯನ’ ಗ್ರಂಥದ ೭೯ನೇ ಪುಟದಲ್ಲಿ)
- ಕಾಸರಗೋಡು ಮಹಿಳಾ ಪೊಲೀಸ್ ಅಧಿಕಾರಿಯನ್ನು ಕಡಿದು ಕೊಂದ ಆಕೆಯ ಪತಿ
- ನವವಿವಾಹಿತೆ ಆತ್ಮಹತ್ಯೆ – ಆಕೆ ಬರೆದಿಟ್ಟ ಡೆತ್ ನೋಟಿನಲ್ಲಿ ಏನಿದೆ?
- ತಾನು ಮದುವೆಯಾಗುವ ಹುಡುಗಿಗೆ ಮೂರು ಷರತ್ತುಗಳನ್ನು ವಿಧಿಸಿದ್ದ ಎ.ಆರ್. ರೆಹಮಾನ್: ಮದುವೆಯ ಮೂವತ್ತನೆಯ ವಾರ್ಷಿಕೋತ್ಸವ (ಗ್ರ್ಯಾಂಡ್ ಥರ್ಟಿ) ತಲುಪುವ ಭರವಸೆ ಹುಸಿಯಾಯಿತು ಎಂದ ಸಂಗೀತ ನಿರ್ದೇಶಕ
- ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ರಕ್ಷಕ-ಶಿಕ್ಷಕ ಸಂಘದ ಪದಾಧಿಕಾರಿಗಳ ಆಯ್ಕೆ
- ಎಲೆಕ್ಟ್ರಿಕ್ ಸ್ಕೂಟರ್ ಶೋರೂಮ್ ಬೆಂಕಿಗೆ ಆಹುತಿ – 20 ವರ್ಷದ ಯುವತಿ ಬೆಂಕಿಗೆ ಸಿಲುಕಿ ಸಾವು
