ತುಲಾ ರಾಶಿ – ನವೆಂಬರ್ 2020
ತುಲಾ ರಾಶಿಯವರಿಗೆ ಈ ಮಾಸ ಕುಟುಂಬದಲ್ಲಿ ಹಾಗೂ ಬಂಧುವರ್ಗದಲ್ಲಿ ಗೌರವ ಮನ್ನಣೆಗಳು ದೊರೆಯಬಹುದು. ಈ ತಿಂಗಳಿನಲ್ಲಿ ಕಷ್ಟ, ಪರಿಶ್ರಮದ ಜೀವನ ನಡೆಸಬೇಕಾದ ಪರಿಸ್ಥಿತಿಯ ಸನ್ನಿವೇಶವಿದೆ. ಸಂಪಾದನೆಯ ಹಣಕ್ಕೆ ಖರ್ಚಿನ ಮೂಲಗಳು ತನ್ನಿಂತಾನೇ ಹುಟ್ಟಿಕೊಳ್ಳುತ್ತವೆ. ಆದ ಕಾರಣ ಉಳಿತಾಯ ಮಾಡಬೇಕಾದರೆ ಬಹಳಷ್ಟು ಕಷ್ಟಪಡಬೇಕಾಗುತ್ತದೆ. ಸಾಲ ಮಾಡುವ ಸಂದರ್ಭವನ್ನು ನಿವಾರಿಸಿದರೆ ಉತ್ತಮ. ಸಾಲ ಕೊಡುವುದು ಮತ್ತು ತೆಗೆದುಕೊಳ್ಳುವುದಕ್ಕೆ ಈ ಕಾಲ ಉತ್ತಮವಲ್ಲ. ಹಣಕಾಸಿನ ವ್ಯವಹಾರದಲ್ಲಿ ಎಚ್ಚರವಿರಲಿ. ನೆಮ್ಮದಿ ತಂದುಕೊಳ್ಳುವುದು ನಿಮ್ಮ ಕೈಯಲ್ಲಿಯೇ ಇದೆ. ಆತ್ಮ ಸಂತೋಷ ಮತ್ತು ನೆಮ್ಮದಿಯಿಂದಿರಲು ಪ್ರಯತ್ನಿಸಿ. ಕೆಲವರಿಗೆ ಸಂತಾನ ಭಾಗ್ಯದ ಯೋಗವೂ ಇದೆ. ಕೃಷಿಕರಿಗೆ ಕೃಷಿ ಮೂಲಗಳಿಂದ ಹೆಚ್ಚಿನ ಲಾಭಗಳು ದೊರಕಬಹುದು. ಶ್ರಮಪಟ್ಟರೆ ಕೆಲವರಿಗೆ ಕೃಷಿ ಭೂಮಿ ಖರೀದಿಸುವ ಯೋಗವೂ ಇದೆ. ಪ್ರಣಯ ಜೀವನ ಉತ್ತಮವಾಗಿರುತ್ತದೆ. ವಿದ್ಯಾರ್ಥಿಗಳು ಸತತ ಸಾಧನೆಯಿಂದ ವಿದ್ಯೆಯಲ್ಲಿ ಯಶಸ್ಸು ಸಾಧಿಸಬಹುದು.
