ಕಲಾವಿದ ಚಿಟ್ಟಾಣಿ ರಾಮ ಹೆಗಡೆ ನಿಧನ.
ಬಡಗುತಿಟ್ಟಿನ ಪ್ರಸಿದ್ಧ ಸ್ತ್ರೀವೇಷಧಾರಿ ಚಿಟ್ಟಾಣ ರಾಮ ಹೆಗಡೆ (82) ದಿನಾಂಕ 31.12.2024 ರಂದು ನಿಧನರಾದರು.
ದೀರ್ಘಕಾಲ ಗುಂಡುಬಾಳ ಮೇಳ ಮತ್ತು ಭರತನ ಹಳ್ಳಿ ಸಾಲಿಗ್ರಾಮ ಮೇಳಗಳಲ್ಲೂ ಕಲಾ ಸೇವೆಗೈದಿದ್ದರು.
ಪೌರಾಣಿಕ ಸ್ತ್ರೀ, ಪುರುಷ ಪಾತ್ರಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸುತ್ತಿದ್ದ ಅವರು ಐದು ದಶಕಗಳ ಕಲಾಸೇವೆ ಗೈದಿದ್ದರು.
ಸಂಸ್ಥೆ ಅವರಿಗೆ ಹತ್ತು ವರ್ಷದ ಹಿಂದೆ ‘ಯಕ್ಷಗಾನ ಕಲಾರಂಗ ಪ್ರಶಸ್ತಿ’ ನೀಡಿ ಗೌರವಿಸಿತ್ತು.
ಅವರು ಪತ್ನಿ ಮತ್ತು ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.
ಇವರ ನಿಧನಕ್ಕೆ ಯಕ್ಷಗಾನ ಕಲಾರಂಗದ ಅಧ್ಯಕ್ಷ ಎಂ. ಗಂಗಾಧರ ರಾವ್, ಕಾರ್ಯದರ್ಶಿ ಮುರಲಿ ಕಡೆಕಾರ್ ತೀವ್ರ ಸಂತಾಪ ಸೂಚಿಸಿದ್ದಾರೆ.
