ಕನ್ಯಾ ರಾಶಿ – ನವೆಂಬರ್ 2020
ಈ ರಾಶಿಯ ಕೆಲವರಿಗೆ ವ್ಯಾಪಾರ ವ್ಯವಹಾರಗಳಲ್ಲಿ ಆರ್ಥಿಕ ಲಾಭ ಉಂಟಾಗಬಹುದಾದ ಸಾಧ್ಯತೆಯಿದೆ. ಇನ್ನು ಕೆಲವರಿಗೆ ಸ್ತ್ರೀ ಮೂಲದಿಂದ ಸಂಪತ್ತು ಹರಿದುಬರುವ ಸೂಚನೆಗಳು ಕಂಡು ಬರುತ್ತವೆ. ಸ್ವಂತ, ಭೂಮಿ, ಮನೆಗಳಿಗೆ ಪ್ರಯತ್ನಿಸಲು ಇದು ಸಕಾಲ. ಅಧಿಕಾರಿಗಳಿಗೆ ಕಾರ್ಯಕ್ಷೇತ್ರದಲ್ಲಿ ಸುಧಾರಣೆ ಕಂಡುಬರುತ್ತದೆ, ನ್ಯಾಯ ಮಾರ್ಗದಲ್ಲಿ ಮಾತ್ರ ಹಣ ಸಂಪಾದನೆ ಮಾಡಿ. ಇಲ್ಲದಿದ್ದರೆ ತೊಂದರೆಗಳಿಗೆ ಸಿಲುಕುವಿರಿ.
ನಿಮ್ಮ ಮುಂಗೋಪ, ದುಡುಕುಗಳನ್ನು ಬಿಡದಿದ್ದರೆ ವಿವಾಹ ಜೀವನದಲ್ಲಿ ಅಶಾಂತಿ ಉಂಟಾಗುವ ಸಂಭವವಿದೆ. ಯಾವುದೇ ಕಾರ್ಯಕ್ಕೆ ಇಳಿಯುವ ಮುನ್ನ ಸಾಕಷ್ಟು ಯೋಚಿಸಿ, ಪರಿಶ್ರಮದಿಂದ ಮಾಡಿದರೆ ಯಶಸ್ಸು ನಿಮ್ಮದಾಗಬಹುದು. ಮನೆಯಲ್ಲಿ ಅಥವಾ ಕುಟುಂಬದಲ್ಲಿ ಉಂಟಾಗುವ ಸಣ್ಣ ಸಣ್ಣ ಮಾತುಗಳನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಡಿ.
ಮಕ್ಕಳ ಬಗ್ಗೆ ಕಾಳಜಿ, ಗಮನ ಕೊಡಿ. ವಿದ್ಯಾರ್ಥಿಗಳು ಮನೆಯಲ್ಲಿದ್ದರೂ ಅವರ ಕಲಿಯುವಿಕೆಯ ಬಗ್ಗೆ ಹೆಚ್ಚಿನ ಗಮನ ಕೊಡಿ. ಉದ್ಯೋಗದಲ್ಲಿ ಪ್ರಗತಿಯನ್ನು ಕಂಡರೂ ಬ್ಯಾಂಕ್ ಹಾಗೂ ಕೋರ್ಟ್ ವ್ಯವಹಾರಗಳಲ್ಲಿ ಕಷ್ಟ ಎದುರಾಗಬಹುದು. ಅಪರಿಚಿತರೊಡನೆ ಸ್ನೇಹವನ್ನು ಮಾಡುವುದರ ಮೊದಲು ಅವರ ಬಗ್ಗೆ ಮೊದಲು ತಿಳಿಯಲು ಯತ್ನಿಸಿ. ಇಲ್ಲದಿದ್ದರೆ ತೊಂದರೆಗೆ ಸಿಲುಕಬಹುದು.
